အမေရေယဉ်
အမေရေယဉ်နတ် ကို မုံရွာနယ်တစ်ဝိုက်တွင် အများဆုံး ပူဇော်ပသကြသည်။ အမေရေယဉ် ၏ ကိုယ်ပိုင်နတ်နန်းသည် မုံရွာခရိုင် ၊ ယင်းမာပင်မြို့နယ် ဇီးတောရွာအနီးတွင် တည်ရှိသည်။ ရေယှဉ်ကတော် ၊ အနောက်ရေယဉ် ၊ အမယ်ကြီးအိုနတ် ဟု လည်း ခေါ်ဝေါ်ကြသည်။ အမေရေယဉ် ၏ နတ်နန်းတွင် ဒေသအလိုက် နှစ်စဉ်နှစ်တိုင်း တပေါင်းလဆန်း ၃ ရက်နေ့မှ ၉ ရက်နေ့အထိ နတ်ပွဲများ ပြုလုပ်ကျင်းပကြသည်။ အရပ်ရပ်မှ သိုးဆောင်းကြီး ၊ သိုးဆောင်းကလေး ၊ နတ်ထိန်း ၊ နတ်ကတော်များ လာ၍ ကန္နား ပေးကြသည်။ တောင်ခြေအနီး အနားတွင် ချောင်း လည်း မဟုတ် ၊ မြောင်း လည်း မဟုတ် ၊ ချိုင့်ဝှမ်းဖြစ်နေသော နေရာတစ်ခုရှိပြီး နတ်ပွဲမရှိပါက ရေခမ်းခြောက်နေတတ်သည်။ နတ်ပွဲများ ကျင်းပလျှင် ထိုနေရာတွင် ထူးဆန်းစွာ ရေပြည့်လျှံနေတတ်သည်။ ထိုနေရာကို ရေယှဉ်ချောင်း (သို့) ရေယဉ်ချောင်း ဟု ခေါ်သည်။ နတ်ပွဲကျင်းပသောရက်များအတွင်း ယင်းမာပင်မြို့နယ်ကျေးရွာများ၌ အလှူမင်္ဂလာ ၊ ပျော်ပွဲရွှင်ပွဲများ မပြုလုပ်ဘဲ ရှောင်ရှားထားကြသည်။ Photo Credit. Written by KnowLedgeWave.
%E1%80%99%E1%80%84%E1%80%BA%E1%80%B8%20%E1%80%94%E1%80%90%E1%80%BA%E1%80%99%E1%80%BB%E1%80%AC%E1%80%B8%E1%80%A1%E1%80%80%E1%80%BC%E1%80%B1%E1%80%AC%E1%80%84%E1%80%BA%E1%80%B8%20BlogSpot%20Photo.jpg)